ශුද්ධ වූ කන්ය මරිය තුමියගේ විඥාපනය

ශුද්ධාත්මයාණන්වහන්සේ මාර්ගයෙන් මිනිස් සංහතියට ක්රිස්තුස්වහන්සේගේ එළඹෙන උපත පිළිබඳ ව නිවේදනය කළ දිනය, එනම් ශුද්ධ වූ කන්ය මරිය තුමියගේ විඥාපනයේ ප්රධාන මංගල්යය අප්රේල් 7 වන දින (මාර්තු 25, පැරණි ශෛලිය) සමරනු ලැබේ.
මෙම දිනයේ දී ක්රිස්තියානි සභාව විසින්, නිර්මල කන්යාවක මෙන් ම ධර්මිෂ්ඨ දියණියක ලෙස උප්පත්තියේ සිටම සිය දෙමාපියන් විසින් දෙවියන් වහන්සේ උදෙසා කැප කළා වූ ද, තම මුළු ආත්මය ම තමන් විසින් ම දෙවියන් වහන්සේ උදෙසා කැප කළා වූ ද, ඇගේ නිර්මල රුධිරය ක්රිස්තුස්වහන්සේගේ උප්පත්තිය ලෙසින් මුළු මනුෂ්ය සංහතියට ම තිළිණයක් ලෙස දායාද කළා වූ ද මානව වර්ගයාගේ ඉතිහාසයේ සිදු වූ වැදගත්ම සිදුවීම සිහිපත් කරයි.

ස්නාවක ජොහාන්තුමන්ගේ පිළිසිඳ ගැනීමෙන් මාස හයක් ගෙවී ගිය පසු, දෙවියන් වහන්සේ සිය අග්ර දේවදූත ගේබ්රියෙල් ව එවකට නාසරෙත්හි විසූ කන්ය මරිය තුමිය වෙත යැවී ය. දේවදූතයා ඇය වෙත පැමිණ මෙසේ කීවේය.
- ප්රීති වන්න, ඉමහත් කරුණාව ලැබූ තැනැත්තිය, ස්වාමීන්වහන්සේ නුඹ සමඟ සිටින සේක; කාන්තාවන් අතරින් ඔබ භාග්යවන්තයි! (ලූක් 1:28)

නුමුත් ඈ ඔහුගේ ආචාරය පිළිබඳ ව බොහෝ සේ කලබල වී, මේ කෙබඳු වූ ආචාරයක්දැයි කල්පනාකරමින් සිටියා ය. එවිට දේවදූතයා ඇයට මෙසේ කීවේය.
- මරියා, භය නොවන්න. මක්නිසාද නුඹට දෙවියන්වහන්සේගෙන් කරුණාව ලැබුණේ ය. බලව, නුඹ ගර්භිණී ව පුත්රයෙකු වදන්නී ය, උන්වහන්සේට යේසුස් යන නාමය තබන්න. උන්වහන්සේ ශ්රේෂ්ඨතමයෙකු වන අතර ශුද්ධාත්මයාණන්ගේ පුත්රයාණෝයයි අවධාරණය කරනු ලබන සේක. උන්වහන්සේගේ පියාණන් වූ දාවිත්ගේ සිංහාසනය, දෙවි වූ ශුද්ධාත්මයාණන් වහන්සේ, උන්වහන්සේට ලබා දෙන සේක. උන්වහන්සේ යාකොබ්ගේ වංශය කෙරෙහි සදාකල් රජකම් කරන සේක; එමෙන් ම උන්වහන්සේගේ රාජ්යය කිසි දිනෙක කෙළවර නොවන්නේ යැයි කීවේ ය.

එවිට මරියා තුමිය දේවදූතයාට කථාකොට:
- මා කිසිදු පුරුෂයෙක් නෑඳින සිටිනා විට දී මෙසේ වෙන්නේ කෙසේ ද?

එවිට දේවදූතයා ඇයට මෙසේ පිළිතුරු දුන්නේ ය:
- ශුද්ධාත්මයාණන්වහන්සේ නුඹ කෙරෙහි පැමිණෙන සේක, මහෝත්තමයාණන්ගේ ආනුභාව ද නුඹ වසාගන්නේ ය. ඒ නිසා උපදින්ට සිටින තැනැත්තේ ශුද්ධ ය, දෙවියන් වහන්සේගේ පුත්රයාණෝයයි කියනු ලබන සේක. බලව, නුඹගේ නෑ වූ එලිසබෙත් ද ඇගේ මහලු වයසේ දී පුත්රයෙකු පිළිසිඳ සිටින්නී ය; වඳ යැයි කියනු ලැබූ ඇයට දැනට මාස හයකි. මක්නිසාද දෙවියන් වහන්සේට කළ නොහැකි කිසිවක් නැත.

එවිට මරියා තුමිය මෙසේ පිළිතුරු දුන්නේ ය:
- බැලුව මැනව, ස්වාමීන් වහන්සේගේ දාසිය; ඔබගේ වචනය ලෙස එය මට වේවායි කීවා ය. (ලූක් 1:38)

එවිට දේවදූතයා ඈ කෙරෙන් පිට ව ගියේ ය.

දෙවියන් වහන්සේගේ මතුවීම/උපත වෙනුවෙන් වූ කන්යාවගේ පාරිශුද්ධභාවය අපමණ ය. වල් පැලෑටි වලින් පස සාරවත් වන්නාක් මෙන් ද, එම පසෙහි වටිනා ඵල නිපදවිය හැකි අන්දමින් ලස්සන මලක් වවන ලද දක්ෂ උද්යානකරුවෙකු මෙන් ද, පළමු මිනිසාගේ මැවීමේ සිට ඉතිහාසය පුරාවට ම ලෝක ගැලවුම්කරුවානන් යුදෙව් ජනතාව අවිශ්වාසයෙන් හා නපුරෙන් පවිත්ර කර බේරා ගන්නා ලදී.

ශුද්ධාත්මයාණන් නිර්මල කන්යාව මත පහළ වූ අතර, ඔහු විසින් පෙර පවිත්රත්වයට පත් කරන ලද ඇය, තවදුරටත් පවිත්රත්වයට පාත්ර වී, අති නිර්මල අන්දමින්, දෙවියන් වහන්සේගේ වදන් අනුව අභෞතික කලලය දැරීමට සූදානම් වූවා ය. ඇය ශරීරයෙන් හා ආත්මයෙන් ඇගේම පාරිශුද්ධභාවයකින් හෙබි කාන්තාවක වූ අතර, දැන්, දෙවියන් වහන්සේගේ ආත්මීය කරුණාවෙන් පිරුණු ක්රියාව තුළින්, ඇය පොදුවේ කිසිදු අපවිත්රතාවකින් තොර වූ, දිව්යමය අති නිර්මල කන්යාවක බවට පත් වූ වා ය.

දෙවියන් වහන්සේගේ මෙම වදන් මෙම නිර්මල නහර තුළින් කිඳා බැස, දෙවියන් වහන්සේ විසින් ම ප්රාණවත් කර අලංකාර කරන ලද, කන්යාවගේ ගර්භාෂය තුළ ඩිම්බයක් ව, කලලයක් බවට පත් විය. දෙවියන් වහන්සේ මනුෂ්යයෙකු බවට පත් වූයේ මේ ආකාරයට ය. දෙවියන් වහන්සේගේ වදන් මනුෂ්ය ස්වභාවය ගෙන පාපය හැර අන් සෑම විටෙක දී ම අප හා සමාන වූ අතර, මිනිසා මැවුම්කරුට "එය එසේ වේවා" යැයි පැවසූ විට, එම වදන් මාංසයක් බවට පත් විය. මේ අනුව, මිනිසාට හෝ දේව මනසට නොතේරෙන අන්දමින්, එක් පුද්ගලයෙකු තුළ ස්වභාවයන් දෙකක එක්වීමක් සිදු විය.

අතිශුද්ධ වූ තියෝටෝකෝස් (නැගෙනහිර ක්රිස්තියානි ආගම අනුව ජේසුස් වහන්සේගේ මව වන මරිය තුමිය හඳුන්වනු ලබන නාමය) කිසිවිටෙක විවාහය ගැන සිතුවේවත් නැත; ඇයගේ සිත නිරතුරුව ම දෙවියන් වහන්සේ කෙරෙහි යොමු ව පැවති අතර සම්පූර්ණයෙන් ම දෙවියන් වහන්සේගේ කැමැත්තෙහි නිමග්න වී තිබුණි. දේව පුත්රයාගේ පිළිසිඳ ගැනීම සහ උපත පිළිබඳ ශුභාරංචිය ඇයට ගෙන ආ අග්ර දේවදූතයා සමඟ සංවාදයේ යෙදුනු ඇගේ වදන් සම්බන්ධයෙන් ශුද්ධ ලියවිල්ල සාක්ෂි දරයි. කිසිදු පුරුෂයෙකු නාඳුනන ඇගේ පිළිසිඳ ගැනීම සහ උපත කෙබඳු දැයි කන්යාව අග්ර දේවදූතයාගෙන් විමසූ විට ඔහු මෙසේ පැවසී ය: “ශුද්ධාත්මයාණන්වහන්සේ නුඹ කෙරෙහි පැමිණෙන සේක, මහෝත්තමයාණන්ගේ ආනුභාව ද නුඹ වසාගන්නේ ය” (ලූක් 1:35). මෙහි බලය ලෙස, දෙවියන් වහන්සේගේ වදන්, දෙවියන් වහන්සේගේ පුත්රයා සහ දෙවියන් වහන්සේගේ ප්රඥාව හැඳින්වේ: “ආරම්භයෙහි දී වදන්හු වූ සේක, වදන්හු දෙවියන්වහන්සේ හා සමඟ සිටි සේක, වදන්හු දෙවියන්වහන්සේ ව සිටි සේක. උන්වහන්සේ පටන්ගැන්මෙහි දී ම දෙවියන්වහන්සේ සමඟ සිටි සේක....
උන්වහන්සේ කරණකොටගෙන සියල්ල සාදන ලද්දේ ය; සාදන ලද කිසිවක් උන්වහන්සේ නොමැති ව සාදනු නොලද්දේ ය” (යොහාන් 1:1-3).

අතිශුද්ධ වූ තියෝටෝකෝස් දරු පිළිසිඳගෙන එක් පුද්ගලයෙකු මාර්ගයෙන් දෙවියන් වහන්සේ සහ මිනිසා යන ස්වරූප ද්විත්වයෙන් ම පුතණුවන් මෙලොවට බිහි කරමින්, වචනයේ පරිසමාප්ත අර්ථයෙන් ම දෙවියන් වහන්සේගේ මෑණීයන් බවට පත් වූ වා ය. “දෙවියන් වහන්සේ බිහි කළ දෙවියන්ගේ මෑණීයන් ඇයගෙන් ම අවතීර්ණ නොවන්නේ ඇයි? ” - යනුවෙන් දමස්කස්හි ශාන්ත ජෝන් තුමන් ප්රශ්න කරයි.

දෙවියන් වහන්සේගේ මව බවට පත්වීමෙන් පසු, මරියා තුමිය සියලු ලෞකික හා දිව්යමය ප්රඥාවත් මැවීම්හි රැජින සහ ස්වාමි දුව බවට ද පත් වූ වා ය. එමෙන් ම ඇය තම පුතණුවන්ගේ සහ දෙවියන් වහන්සේගේ, මැවීම ලෙස ද සේවිකාව ලෙස ද පෙනී සිටියා ය. ඇය මිනිස් සංහතිය වෙනුවෙන් විශිෂ්ට කැපකිරීමක් සිදු කළ නමුත් ඇය මනුෂ්යවර්ගයාට ම අයිති වූ නිසා, ඇය තමා වෙනුවෙන් ද ඉමහත් කැප කිරීමක් සිදු කළා ය. ඇගේ පුතණුවෝ දෙවියන් වහන්සේ ද, සියල්ලෙහි මැවුම්කරු ද, අධිපති ද, ආරක්ෂකයා ද, ගැලවුම්කරු ද වෙති. මෙම ප්රධාන සිදුවීම හුදෙක් හමුවීමක් පමණක් නොව, ස්වර්ගය සමග මෙලොව ඒකාබද්ධ කිරීමකි.

විඥාපන මංගල්යය කොරොස්ම සමයෙහි 3 වන සතියේ බ්රහස්පතින්දා දින සිට දීප්තිමත් සතියේ (පාස්කුවෙන් පසු) බදාදා දින දක්වා සමරනු ලබන නිසා එහි දිව්යමය පූජාව වර්ග කිහිපයකින් යුක්ත වේ. සාමාන්යයෙන්, මාර්තු 24 (?) දින සවස් කාලයේ, සන්ධ්යා පූජාවෙහි (Vespers) දී, දෙවියන්ගේ මෑණියන් උදෙසා පාරමිතා කියවනු ලබන අතර, මෙහි දී විශේෂයෙන් ඕතඩොක්ස් කිතුනුවන් විසින් ආදරය කරන ලද “සදාතනික සභාව (Everlasting Council)” යන ගීතිකාව ගායනා කරනු ලැබේ.

නත්තල් දිනය මෙන් රාත්රී පූජාව, අති උතුම් වූ උදෑසන යාච්ඤා (Matins) සහ රාත්රී යාච්ඤා (Compline) වලින් සමන්විත වේ. පොලිලියෝස් (Polyeleos) මධ්යයේ දී අපි දෙවියන් වහන්සේගේ මෑණියන් වෙනුවෙන් ප්රශංසනීය විස්මිත ගීත ගායනා කරමු: “අග්ර දේවදූතයාණන්ගේ කටහඬ ඔබ තුළ මොර ගසයි, නිර්මල තැනැත්තිය: ප්රීති වන්න, කරුණාවෙන් පිරි, සමිඳාණන් වහන්සේ ඔබ සමඟ යි”. කන්ය මරියා තුමිය සහ අග්ර දේවදූත ගේබ්රියෙල් අතර සංවාදයක් ලෙස ලියා ඇති නිවාඩු දිනය පිළිබඳ ශුද්ධ ලියවිල්ල (Holiday Canon) ප්රශංසාව උපදව යි. මේ තුළින් දේවමෙහෙය (Liturgy) ආරම්භ කිරීමට පෙර පෙරහැරක් පැවැත්වීම සඳහා රීතිය සපයයි.

මංගල්ය දේවමෙහෙය සාමාන්යයෙන් සැඳෑ යාච්ඤාව (Vespers) සමඟ ආරම්භ වන අතර එහි දී ක්රිස්තුස් වහන්සේගේ පෙනුම හා සම්බන්ධ හිතෝපදේශ කියවනු ලැබේ (එක්සොඩස් 3:1-8; හිතෝපදේශ 8:22-30). ශුද්ධ දිනය (බයිබලානුකුල සිදුවීම් අනුස්මරණය කරන නිවාඩු දින) මහ සිකුරාදාට යෙදුන ද, විඥාපනය සඳහා වන දේවමෙහෙය සැමවිටම පූර්ණ වශයෙන් (සාමාන්යයෙන් ශාන්ත ජෝන් ක්රිසොස්ටොම්) නියම කරනු ලැබේ. එහි දී යක්ෂයාගේ බලයෙන් මිදීම සඳහා මනුෂ්යත්වයේ වැදගත්කම පිළිබඳ ධර්ම දූතික වදන් (හෙබ්රෙ. 2:11-18) සහ විඥාපනය පිළිබඳ අනුශාසනාත්මක ආඛ්යානය (ලූක් 1:24-38) කියවනු ලැබේ. ශුද්ධ දිනයේ දී දේවස්ථානය විසින් උපවාස නීති සීමා කරනු ලබයි. නමුත් විඥාපනය ශුද්ධ සතියට නොයෙදුනේ නම්, මාළු අනුභව කිරීමට අවසර ඇත.

අද අපගේ ගැලවීමේ ආරම්භය යි, / සදාතනික අභිරහස හෙළිදරව් කිරීමකි! / දෙවියන් වහන්සේගේ පුත්රයාණෝ කන්යාවගේ පුත්රයා බවට පත් වන සේක / ගේබ්රියෙල් කරුණාවේ පැමිණීම නිවේදනය කරන පරිදි. / ඔහු සමඟ එක් ව අපි තියෝටෝකෝස් වෙත හඬ නඟන්නෙමු: / ප්රීති වන්න, අහෝ කරුණාවෙන් පිරි, / සමිඳාණන් වහන්සේ ඔබ සමඟ ය!

අහෝ ජයග්රාහී සත්කාරක නායකයාණෙනි! / ඔබේ සේවකයන් වන නපුරෙන් මිදුණු, අපි, තියෝටෝකෝස්, ඔබ වෙනුවෙන් අපගේ කෘතඥපූර්වක ස්තුතිය ගායනා කරමු! / අපරාජිත ශක්තිය ඔබ සතු බැවින්, සෑම විපතකින් ම අප නිදහස් කරනු මැනවි / එවිට අපට ගායනා කළ හැකි ය: අහෝ අවිවාහක මනාලිය, ප්රීති වන්න!
ප්රශංසනීය ගීත