බෞතීස්මය පිළිබඳ වූ සක්‍රමේන්තුව

විශ්වාස කර බෞතීස්ම වන තැනැත්තා ගැලවෙනු ඇත; නමුත් විශ්වාස නොකරන තැනැත්තා වැරදිකරු වනු ඇත. (මාක්ගේ ශුභාරංචිය 16:16)

බෞතීස්මය යනු කුමක්ද?

පුද්ගලයෙකු මෙලොව එක් වරක් උපත ලබනවා සේ ම, බෞතීස්මය පිළිබඳ සක්‍රමේන්තුව තුළ අපගේ ආත්මයේ දොර ස්වාමින් වහන්සේට විවෘත කිරීමෙන් අප සෑම කෙනෙකුට ම අපගේ ආධ්‍යාත්මික ජීවිතය ආරම්භ කළ හැක්කේ ජීවිතයේ එක් වරක් පමණි. බෞතීස්ම වීමෙන් අපි අපගේ ගැලවුම්කරුවා වන යේසුස් ක්‍රිස්තුස් වහන්සේ ආධිපත්‍යය දරණ විශාල පවුලක, එනම් ක්‍රිස්තුස් වහන්සේගේ ශුද්ධ වූ සභාවේ කොටස්කරුවන් බවට පත් වෙමු.

බෞතීස්මය යනු මිනිස් සංහතියේ පළමු දෙමාපියන් වන ආදම් සහ ඒවගේ පරිහානියෙන් පසු, මිනිස් ස්වභාවයට බලපෑ පව්කාර පරම්පරාවකින් (මුල්/සහජ පාපය ලෙස ද හැඳින්වේ) උපත ලැබූ පුද්ගලයෙකු, සදාකාලික ජීවනය උදෙසා නැවත ඉපදී සියලු පව්වලින් නිදහස් වන්නා වූ සක්‍රමේන්තුවකි. සක්‍රමේන්තුව අතරතුර, පූජකවරයා බෞතීස්ම වූ පුද්ගලයා පියාණන්, පුත්‍රයාණන් සහ ශුද්ධාත්මයාණන්ගේ නාමයෙන් තුන් වරක් දියෙහි ගිල්වයි. ඉන් පසු එම පුද්ගලයා සභාවේ සාමාජිකයෙකු බවට වන අතර ඔහුට සභාවේ අනෙකුත් සක්‍රමේන්තුවලට ද සහභාගී විය හැකි ය.

බෞතීස්මය සිදු කරනුයේ කුමක් සඳහා ද?

බෞතීස්ම වීමේ අවශ්‍යතාවය ගැන ක්‍රිස්තුස් වහන්සේ මෙසේ පැවසූ සේක: “විශ්වාස කර බෞතීස්ම වන තැනැත්තා ගැලවෙනු ඇත; නමුත් විශ්වාස නොකරන තැනැත්තා වැරදිකරු වනු ඇත” (මාක්ගේ ශුභාරංචිය 16:16).

බෞතීස්මයේ දී, බෞතීස්ම වූවෝ සාතන්ට සේවය කිරීම ප්‍රතික්ෂේප කරමින් ද, වචනාර්ථයෙන් ඔවුහු පාපයේ ජීවිතය සඳහා මිය යාම සංකේතවත් කරමින් ද ඔවුන්ගේ “පැරණි වස්ත්‍ර” ඉවත් කර “ක්‍රිස්තුස් වහන්සේ පැළඳ ගනිති” (රෝම 13:14). ඉන් පසු, “නව මිනිසා”, එනම්, බෞතීස්ම වූ පුද්ගලයා සහජ සහ සියලු පෞද්ගලික පාපවලින් සුව වී පවිත්‍ර වී ධර්මිෂ්ට ජීවිතයක් සඳහා නැවත නැගිටුවනු ලැබේ.”

අපගේ සැබෑ දෙවිඳුන් වන ක්‍රිස්තුන් වහන්සේ මනුෂ්‍ය වර්ගයා වෙනුවෙන් තම ජීවිතය පූජා කළ සේක. නියත වශයෙන් ම නිර්දෝෂී වූ උන්වහන්සේ දුක් විඳ කුරුසිය මත ඇණ ගසනු ලැබීය. උන්වහන්සේගේ වික්‍රමයෙන්, ඔහු අපගේ සියලු පාපවලට සමාව ලබා දුන් අතර, එයට ස්තූතිවන්ත වන්නට අපට සමාව ලැබීමට අවස්ථාව ලැබුණි. සක්‍රමේන්තුවේ දී තුන් වරක් ජලයේ ගිල්වීමෙන් සංකේතවත් කරන්නේ ක්‍රිස්තුස් වහන්සේගේ තුන්දින භූමදානය සහ, සහජ පාපයෙන් “ආසාදිත”, “මහලු මිනිසෙකු” ලෙස අපගේ මරණයයි. ක්‍රිස්තුස් වහන්සේගේ මරණයට පංගුකාර වීමෙන් ද, උන්වහන්සේ සමග මිය යාමෙන් ද, අපි කුරුසිය මත වූ උන්වහන්සේගේ නිදහස් වීමේ පරිත්‍යාගය වූ වීර වික්‍රමයට සහභාගී වෙමු.

දෙවියන්වහන්සේ උන්වහන්සේගේ සමාව අප මත පටවන්නේ නැති නිසා ක්‍රිස්තුස් වහන්සේ විසින් සාක්ෂාත් කරගන්නා ලද විමුක්තිය (ගැලවීම), අපට අවස්ථාවක් ලෙස ලබා දී ඇත. එසේ ම, සමිඳාණන් වහන්සේ අපගේ ස්වාධීන කැමැත්තට ගරු කරන සේක. ඔහු එය කඩ කරන්නේ නැත. අප ඔහු සමග සිටීමට ආශා කිරීම උන්වහන්සේගේ කැමත්ත/බලාපොරොත්තුව යි. එමනිසා, අපගේ පව්වලට සමාව ලබා ගැනීමේ හැකියාව යථාර්ථයක් බවට පත් කිරීමට අපට සැමවිට ම හැකි වේ. බෞතීස්මයේ දී මෙන් ම පශ්චාත්තාපය හා සම්බන්ධ සක්‍රමේන්තුවේ දී ද අපගේ ස්වකීය කැමැත්තෙන් සිදු කරන පව් ක්ෂමාව අපට ඵලදායී වේ. තෙවන ගිල්වීමෙන් පසු බෞතීස්මබඳුනෙන් පිටතට පැමිණීම හරහා, ක්‍රිස්තුස් වහන්සේ මෙන් අප ද නැවත නැගිටුවනු ලැබ, අපි උන්වහන්සේගේ මරණයට පමණක් නොව, උන්වහන්සේගේ උත්ථානයට ද පංගුකාරයන් බවට පත් වන්නෙමු.

බෞතීස්මය ගැලවීම සහතික නොකරනනමුත්, එය ඊට අවශ්‍ය කොන්දේසියකි. මන්ද මුල්/සහජ පාප ලෙස හඳුන්වන අභ්‍යන්තර නපුරක්, පුද්ගලයෙකුට සැබෑ ආලෝකය සහ පාරිශුද්ධත්වය වන්නා වූ ද, පාපයට වෛර කරන සහ ඊට විරෝධී වූ ද දෙවියන් වහන්සේ සමග එක්වීමට ඉඩ නොදෙන බැවිනි. දෙවියන් වහන්සේගේ පංගුකාරයෙකු වීමට නම්, පුද්ගලයෙකු තමා සියලු අන්ධකාරයෙන් හා අසත්‍යයෙන් පවිත්‍ර කළ යුතු අතර, දෙවියන් වහන්සේට සිය සැබෑ ආලෝකයෙන් සහ උන්වහන්සේගේ ප්‍රේමයෙන් ඔහු ව පිරවීමට ඉඩ දිය යුතු ය. පුද්ගලයෙකු තුළ පාපය වැඩි වන තරමට ම, එම පුද්ගලයා ඔහු ව/ඇය ව දෙවියන් වහන්සේගෙන් තවදුරටත් ඈත් කර ගනියි.

බෞතීස්මය පිළිබඳ සක්‍රමේන්තුවට සහභාගී විය හැක්කේ කාටද?

කලින් බෞතීස්ම නොවූ ඕනෑ ම පුද්ගලයෙකුට සක්‍රමේන්තුවට සහභාගී විය හැකි නමුත් පහත සඳහන් කරුණු මතක තබා ගත යුතු ය. බෞතීස්ම වීම සිදු කරනු ලබන්නේ බෞතීස්ම වන පුද්ගලයාගේ ඇදහිල්ල අනුව වන අතර, දරුවෙකු බෞතීස්ම කරන්නේ නම් ඔහුගේ දේව මාපියන් සහ දෙමාපියන්ගේ ඇදහිල්ල අනුව සිදු කරනු ලබයි. මෙයින් අදහස් කරන්නේ පුද්ගලයෙකු ඕතඩොක්ස් ඇදහිල්ල අදහන්නෙකු විය යුතු බවත් ඕතඩොක්ස් ඇදහිල්ලේ සටහන් ව ඇති සෑම දෙයක් ම විශ්වාස කළ යුතු බවත් ය. එසේ නොමැති නම්, දේව මාපියෙකුට හෝ බෞතීස්ම වන පුද්ගලයෙකුට සක්‍රමේන්තුවට සහභාගී වීම කළ නොහැක්කකි.

ජීවන මාර්ගය වෙනස් කිරීමට සහ ශුභාරංචියේ ආඥාවලට අනුව ජීවිතය ගොඩනගා ගැනීමට බෞතීස්ම වන පුද්ගලයෙකු තුළ කැමැත්තක් තිබීම අත්‍යවශ්‍ය වේ. බෞතීස්මය හරහා, පුද්ගලයෙකු සභාවට ඇතුළු වී, එහි සාමාජිකයෙකු බවට පත් වන අතර ඒ හරහා ඔහුට හෝ ඇයට වෙනත් සක්‍රමේන්තුවලට සහභාගී වීමට ඉඩ සැලසේ. සක්‍රමේන්තුවේ දී බෞතීස්ම වූ පුද්ගලයා දිව්‍ය කරුණාව සන්නිවේදනය කරමින් දෙවියන් වහන්සේ සමග විශේෂ සමීපතාවයක් සහ සන්නිවේදනයක් ඇති කර ගනියි. සක්‍රමේන්තු සඳහා සහභාගී විය හැක්කේ සභාවේ සාමාජිකයින්ට පමණි. එයින් අදහස් කරන්නේ බෞතීස්ම නොවූ සහ ඕතඩොක්ස් නොවන පුද්ගලයින්ට (අනෙකුත් ක්‍රිස්තියානි නිකායන්හි - කතෝලික, රෙපරමාදු භක්තික, ආර්මේනියානු, ග්‍රෙගෝරියානු, ආදී නියෝජිතයන් ද ඇතුළු ව) ඕතඩොක්ස් සභාවේ සක්‍රමේන්තුවලට සහභාගී විය නොහැකි බවයි.

බෞතීස්මයෙන් පසු අප ඉබේ ම සාන්තුවරයන් බවට පත් නොවන බව අමතක නොකළ යුතු ය. සෑම කෙනෙකුට ම පාහේ තවදුරටත් ඔවුන්ට ම ආවේණික පාපකාරී නැඹුරුවාවන් පවතින අතර, ඔවුනට ඒවා සමග දැඩි ලෙස සටන් කිරීමට සිදුවනු ඇත. නමුත් සමිඳාණන් වහන්සේ දැන් අප සමග සිටින බැවින් මෙම අරගලය තවදුරටත් නිෂ්ඵල නොවනු ඇත. අධිෂ්ඨානයෙන් හා උද්‍යෝගයෙන් පිරි නිවැරදි මග පෙන්වීමක් අපට ඇත්නම් උන්වහන්සේ අපට අවශ්‍ය සියල්ල ලබා දෙන සේක.

ආශාවන්ගෙන් මිදීමේ ක්‍රියාවලිය ශුද්ධ වූ පියවරුන් හැඳින්වූයේ මිනිසා තුළ දෙවියන් වහන්සේගේ රාජ්‍යයේ ආර්ථිකය ලෙස වන අතර එය වෙනත් සභා සක්‍රමේන්තු වන; විවාහ මංගල්‍යය, තෙල් ආලේපනය, පශ්චාත්තාපය සහ, වඩාත් ම වැදගත් ලෙස, දිව්‍ය පූජාව (ශුද්ධ වූ සත්ප්‍රසාදය) හරහා සිදු කරනු ලැබේ. බෞතීස්ම වූ පුද්ගලයෙක් සක්‍රමේන්තුවලට සහභාගී වීමට අකමැති වීම හෝ පසුව විශාල පාපයක් කරන තෙක් ඒවා නිරන්තරයෙන් කල් දැමීම, සිය ආත්මය වෙනුවෙන් සිදු කරන විශාල උපකාරයක් ප්‍රතික්ෂේප කිරීම හා සමාන වේ.

බෞතීස්මය සඳහා සූදානම් වන්නේ කෙසේද?

බෞතීස්මය පිළිබඳ සක්‍රමේන්තුව සඳහා සූදානම් වීමට, ඔබ ප්‍රශ්නෝත්තර සංවාදයට සහභාගි විය යුතු අතර එය රීතියක් ලෙස, සෑම ඕතඩොක්ස් සභාවක ම සතිපතා පවත්වනු ලැබේ. තම දරුවන් වැඩිවියට පැමිණීමට පෙර බෞතීස්ම කිරීමට කැමති දෙමාපියන් සඳහා, දරුවන්ට හොඳ අධ්‍යාත්මික උපදේශකයින් වීමේ වගකීම භාර ගැනීමට සුදුසු හා සූදානම්, වැඩිහිටි සභාවට නිතර යන එන කිතුනුවන් සොයා ගැනීම අවශ්‍ය වේ. පිරිමි ළදරුවෙකු සඳහා දේව පියෙකු ද, ගැහැණු ළදරුවෙකු සඳහා දේව මෑණියෙකු ද සිටීම අත්‍යවශ්‍ය වේ. එසේ ම, දෙමව්පියන් සහ අනාගත දේව මාපියන් මාර්ක්ගේ ශුභාරංචිය කියවිය යුතු අතර, “අපගේ පියාණෝ” යාච්ඤාවේ අන්තර්ගතය සහ විශ්වාස ලක්ෂණය ද අධ්‍යයනය කළ යුතු ය.

සත්‍ය වශයෙන් ම, බෞතීස්ම වූවන් සඳහා හිමි පෙක්ටෝරල් කුරුසය (Pectoral Cross) සහ සුදු බෞතීස්ම කමිසය පිළිබඳ ව ද අපි අමතක නොකරමු. බෞතීස්ම වූ පුද්ගලයා දැනටමත් තුන් වරක් ජලයේ ගිල්වීමේ දී උපත ලැබීමෙන්, ක්‍රිස්තුස් වහන්සේ පිළිබඳ නව අධ්‍යාත්මික ජීවිතයේ පාරිශුද්ධත්වයේ සහ ධර්මිෂ්ටකමේ පරම නවීනත්වය ඒවායින් සංකේතවත් කරයි.

බෞතීස්මය සිදු වන්නේ කවදාද සහ කොහේද?

රීතියක් ලෙස, බෞතීස්මය පිළිබඳ සක්‍රමේන්තුව ඕතඩොක්ස් සභාවල හෝ බෞතීස්මය සිදු කරන ස්ථානවල සිදු වේ. බෞතීස්ම කිරීමේ සක්‍රමේන්තුව සඳහා අවශ්‍ය ද්‍රව්‍ය, එනම් පිරිසිදු ජලය පවතින තාක් ඕනෑ ම තැනක බෞතීස්ම විය හැකි ය. බෞතීස්ම කිරීමේ බලය සභාව විසින් දෙනු ලබන්නේ අපෝස්තුළුවරුන්ගේ අනුප්‍රාප්තිකයින්ට; එනම් බිෂොප්වරුන්ට සහ ඔවුන් හරහා පූජකයන්ට පමණි. විශේෂ අවස්ථාවල දී (උදාහරණයක් ලෙස, මාරාන්තික අන්තරායන්හි දී), ඕනෑ ම කිතුනුවකුට බෞතීස්මය පිළිබඳ සක්‍රමේන්තුව ඉටු කළ හැකි ය.